垃拉上世紀的七八十年代，大家還勿是老富裕，每逢春節(jié)、五一、十一等佳節(jié)，小青年結(jié)婚，勿少人歡喜拿喜宴擺拉自家屋里向辦。作為大廚個我，有幸經(jīng)歷過搿個年代，更有幸個是因為工作垃拉淮海中路浪個知名飯店，乃末一到春節(jié)，請阿拉上門“燒喜酒”個人，真?zhèn)€是“木咾咾”。記得當時一般婚宴，每桌在25塊到30塊之間，到了八十年代初，每桌宴席價也只有50塊上下。還有更加便宜個，就是請大菜師傅上門“燒喜酒”。
“燒喜酒”是有一套程序個，家辦婚宴規(guī)模大小，菜品質(zhì)量高低，取決于伊拉個經(jīng)濟狀況。首先要介紹跟 “新倌人”或“新娘子”認得，再開婚宴“菜單”。內(nèi)容有兩項：一是按照結(jié)婚個人個要求開列菜譜，二是根據(jù)“菜單”一一采辦?；檠缜邦^，婚家來人拿我自備個爐子、砧板、刀具、吊桶、大盆咾啥燒菜工具運到伊拉屋里，婚宴當日一早趕到專辟個廚房。隨后我按菜譜，拿原材料分檔、刀工處理、細加工、上漿、掛糊、配制待用。迭能一折騰，整整一上半日就過去了。中飯后操刀配“什錦拼盆”或四雙拼，結(jié)束就坐等夜道開宴燒熱炒了。
記得當時家庭婚宴菜個格局通常是：一 是冷菜是什錦大拼盆或四雙拼，二是六熱炒，三是四大菜，最后是兩道點心搭水果。出菜程序是先炒熱炒，完后上一道點心，再上大菜（整雞、整鴨、豬蹄或走油扣肉、整魚），再上甜點，最后是水果。宴席烹制整個過程，大約花脫3個鐘頭。全部燒好以后，婚家會指派專人陪我，坐好預留個一桌開始大吃。主人往往以茅臺、五糧液咾啥好酒來招待（赴宴個客人不一定吃得著），而囥有好酒個新郎新娘，大多是好酒產(chǎn)地個“插兄、插姐”。酒足菜飽，主人會以禮品、紅包贈我，假客氣一番。
上世紀九十年代后，隨著人們消費水平的提高，請大廚上門“燒喜酒”個勿多見了。隨著住房條件個改善，垃拉屋里辦小型生日宴、朋友聚會宴、喬遷新居宴、新娘子回娘家宴、中金榜報恩師喜酒，還是可以個。我勿但垃拉市區(qū)燒喜酒，還拿喜酒燒到南匯、川沙等地。像浦東南匯地區(qū)傳統(tǒng)個婚宴菜，就有稱之為“老八樣”個：三黃雞、走油肉、蹄髈、咸肉、蛋餃、紅燒鴨、黑魚、河蝦。鄉(xiāng)下燒菜，嘸沒煤炭，更嘸沒煤氣，用個是“行灶”，燒個是柴爿、稻柴?；橄谐r要連吃幾天。吃力，不過收入蠻多。
燒喜酒辰光還會得碰著交關(guān)有勁個事體，有一趟到西康路人家“燒喜酒”。新娘子屋里親朋好友儕到齊了，新郎官帶人來迎親了，突然間，新娘子嚎陶大哭，死活勿肯上車，伊拉姆媽也跟辣哭起來，乃末氣氛變脫哉，吃喜酒個賓客勿曉得發(fā)生啥事體，新郎官也邪氣尷尬。后首來新娘子總算垃拉人家個勸說下，勉強上了婚車。結(jié)果有人講：“嘸沒事、嘸沒事，這是新娘子原籍鄉(xiāng)下個風俗，表示對娘家個依依不舍搭對爺娘養(yǎng)育之恩個念念勿忘！”
