錢乃榮-蕩馬路（下）來自麥唐作00:0013:50
作者、朗讀：錢乃榮
公眾號主題歌《麥唐作》（夏季版），詞：麥小姐，曲、制作：何東，演唱：陶嵩飛
思南路也是一條僻靜幽雅個小路，有成排個深深個庭院，布滿了花園洋房。我小學里同桌個同學就住辣“息廬”3號里，我去過伊屋里向，所以老小個辰光就歡喜到思南路去白相。初中一，我有兩個同學就住辣復(fù)興中路口個思南路75號到95號個弄堂里個花園洋房里向。搿個辰光，學堂里分兩部制上課，阿拉是上午班，下半日我就常常到81號個劉國光同學屋里向去做功課。記得辣伊屋里個大草地浪背“文學”課個《從百草園到三味書屋》,“高大個皂莢樹，紫紅個桑葚……”，我抬頭仰望屋頂浪向個高大個桑樹，斑駁個天空，暗暗出神；又辣伊屋里向客廳里向，辣課本浪向做“漢語”課個劃主謂賓、定狀補個作業(yè)。作業(yè)做完，功課復(fù)習好，就一道種月季花，用氣槍去打草叢里向鉆出來個癩蛤巴。搿個一些經(jīng)歷儕對我個一生有明顯個影響。搿個辰光，一些顯赫一時個大人物大多從搿條馬路離去，洋房里住個倒多數(shù)是家道好個百姓。我每日儕辣蕩發(fā)蕩發(fā)，從劉國光個屋里，走過半條思南路，認識各種樹木花草，欣賞從51號到95號法國式、英國式、西班牙式個花園洋房個姿態(tài)，當年采集個交關(guān)花瓣、樹葉，至今還睏辣我個植物學課本里向，已經(jīng)有六十幾年了，過了一個甲子，再來看看搿些東東，勿禁嘆息人生之短促了。
“文革”開場，伊搬走了，但是我還會常常跑到思南路，昔日個聲音、笑貌、攙手、擁抱辰光個童心，儕徘徊辣我個心底。今朝我當年走個搿條路線個房子，又開放打造成為一個新個“新天地”——“思南公館區(qū)”了，八種風格個洋房修飾得更加精神，就是各自嘸沒富有想像力告活力個草地了，顯得有點單調(diào)。位于重慶南路248號到252號個搿幢老宅，辣保持原來風貌個基礎(chǔ)浪向改裝，變得華麗起來，搿搭曾經(jīng)有好幾個我小學里個同學居住辣海，平民百姓，勿曉得搬遷到啥個地方去了！
“外地人歡喜蕩南京路，上海人歡喜蕩淮海路?！彪€是上海人個一句口頭語。實際浪向，是講了搿能樣子個一個長期存在個現(xiàn)實。南京路緊連了外灘，過去又叫“大馬路”，辣大家心目當中，一直占有“拿摩溫”個地位，一路浪向高樓最多，又連到俯視中國告東亞49年之久個24層樓個“國際飯店”。南京路擁有四大百貨商場高樓，當年出售個貨物齊全，撥行情行市外地來個人琳瑯滿目一飽眼福個感受?，F(xiàn)在也是一條上海個名牌店聚集個馬路，自有伊個上海派頭。當年交關(guān)外來者，儕要來采購上海出產(chǎn)個乓乓響個輕工業(yè)產(chǎn)品，還有各種優(yōu)質(zhì)商品，儕要到中百一店、第一食品商店咾啥名店去，所以上海南京路就名揚四海，即使是辣70年代嘸沒開放個辰光，南京路浪也走辣海勿少外地出差個人。
淮海路就有點勿同，伊原來是法租界個最繁華個路，當年個遺風一直陰魂勿散。法式個食品、服飾，尤其是伊個藝術(shù)文化氛圍，遺傳延續(xù)下來，勿斷閃光?；春Ｂ泛孟癜屠鑲€香榭麗舍大街，小資又洋派，細微處見大方，中西融合個新時尚往往會辣淮海路浪老快老新個流行起來。即使辣“文革”時代，一眼小資先鋒，儕會拿當時有限個阿爾巴尼亞、南斯拉夫、朝鮮影片當中個男女穿戴個服飾，自家辣縫紉機浪向做出來，大膽穿戴到淮海路浪去出風頭，勿過一歇歇，自有年輕人馬上跟上去，辣別個路浪向走勿配個，辣淮海路浪向就著得出，還會蔚然成風。
所以，淮海路是平民自動化個時裝發(fā)布場所，青年人，搿點熱衷引進時尚、學習時尚個人，儕要到淮海路去，市面領(lǐng)領(lǐng)，西菜吃吃，電影看看，不亦樂乎。我小辰光讀小學四年級辰光有一次愛娣帶我去蕩馬路，是從重慶南路走到淮海中路思南路勿到桃源坊隔壁個博覽書局為止，眼界大開，從此就嘸沒關(guān)過，跟上去了，后來就脫淮海路有了勿解之緣。尤其是我年輕辣奉賢做教師個辰光，每周周末回家，第二日禮拜日，就夫妻兩個人去淮海路蕩一個上半日個馬路，有了女兒以后，就三個人一道蕩，搿個辰光是70年代，只有淮海路好像還有點活氣，新個衣飾時尚打扮依然辣淮海路浪先流行。阿拉走個路線，就是勿斷重復(fù)我小辰光第一趟蕩馬路個路線，走到思南路口，就辣對面?zhèn)€“慶豐熟食店”里向買一點熟牛肉，回到屋里去，擺點卷心菜、洋山芋脫番茄燒羅宋湯吃。80年代我太太調(diào)進向明中學教書，中浪向我每日送伊去上班，回來個路浪就走搿段淮海路，看看新華書店、上海書店脫報刊門市部，總有一眼新鮮個內(nèi)容可讀，有空個言話，從雁蕩路進復(fù)興公園走走，坐下來再看脫《中國語文》浪向個一篇論文，再從復(fù)興中路個門出去回到屋里向，兩點鐘光景，就開始寫稿子。
文人依然歡喜福州路，搿條老上海個四馬路。搿搭里曾經(jīng)是書局報館出版業(yè)濫觴之地，酒樓茶肆梨園舞臺，五湖四海食文化，萬國藥品，20世紀30年代20萬文人曾經(jīng)居集辣搿搭?，F(xiàn)在仍舊是文化大道，最有書香氣。搿條馬路是我除脫淮海路外去得最多個馬路。老早辣讀高中個辰光，禮拜日，我常常乘5路有軌電車到浙江中路下車，就步行走到福州路個上海舊書店告古籍書店去看書買書，還從小馬路穿到南京東路的“朵云軒”去買宣紙、扇面脫仔舊個碑帖，覺著老有味道。有常時還附帶辣福州路個名店“稻香村”里買一只剛剛出爐個鴨肫干，三角洋鈿，當時還覺得貴，但是辣60年代初辰光吃，鮮味無窮。后來1962年進大學以后，周六回家，常常要彎到福州路去看看，我當時個文房用品幾乎儕是辣辣蕩福州路個辰光買來?，F(xiàn)在還是常常去個地方，到上海書城去買書買唱片，到古籍書店、藝術(shù)書店東走西蕩，辣搿搭地方還聞得到書香味。
情人們歡喜蕩魯迅公園旁邊個甜愛路，辣法國梧桐密密個綠樹個覆蓋下面，一雙雙情侶卿卿我我。整修過個粉墻浪向?qū)懤焙矍楦裱?，見證伊拉個愛情。走過甜愛路再彎到同心路走下去，伊拉兩個人個戀愛作興上了一個臺階。
外國人歡喜田子坊、新天地、仙霞路、城隍廟、朱家角。搿些地方有上海個傳統(tǒng)，又有最新個洋派情調(diào)。 田子坊是曲曲彎彎連成一片個下只角小弄堂，過去是軋來死個平民居住區(qū)，又有交關(guān)老廠房，現(xiàn)在改造成功既有住戶，又有老多勿同風格個小店個共享空間。搿搭，有創(chuàng)意靈感，有奇思妙想，有藝術(shù)設(shè)計個工藝品、畫廊、古玩商鋪，有吃咖啡聊天個后院涼棚，有工業(yè)文明個滄桑感，有創(chuàng)意新產(chǎn)業(yè)個集聚風光，有陽光屋頂，有小板凳?衣裳竹竿。新天地有上海歷史文化個輪廓脫仔內(nèi)部空間個現(xiàn)代化，有中西合璧個石庫門，有21世紀個生活方式告節(jié)奏，是上海個歷史輝煌脫新時代個情感世界，吸引了外國人流連忘返。
大上海個馬路多元而深長，最具有大都市個氣場，蕩馬路頂好看個是上海人蕩馬路辰光個各種陶醉模樣！
我們近期還發(fā)過：
[申情申音]我娘家個鄰舍姆嬤
[申情申音]北站，搿個上海人個火車站
[申情申音]“淮國舊”換客
亂話三千：世界杯
[申情申音]普通話在上海
[嘉人嘉音]炒時件
[麥唐作][樂評]你從墨色深處被隱去
