免费视频淫片aa毛片_日韩高清在线亚洲专区vr_日韩大片免费观看视频播放_亚洲欧美国产精品完整版

康定東路邪氣短，伊東起石門二路，西接康定路，全長只有242米。不過，搿條路歷史悠久，是原來個“麥根路”個一部分。

康定東路85號（泰興路口）南面是石門二路街道社區(qū)文化活動中心，是一幢歷史建筑，據(jù)說是張愛玲個曾外祖父李鴻章個產(chǎn)業(yè)，也是張愛玲小辰光生活過個地方，伊個對面、康定東路28號，是一幢假三層老洋房，連續(xù)拱圈支撐個內(nèi)廊，清水紅磚外墻，四坡頂浪老虎窗，還有西式尖屋頂，儕透露出悠久個歷史信息，現(xiàn)在，搿搭是靜安區(qū)少年兒童圖書館所在地。交關(guān)人想曉得，搿搭曾經(jīng)是啥人家個豪宅，啥人勒勒此地蹲過，曾經(jīng)發(fā)生過啥個故事。

先來介紹麥根搭麥根路。

1853年，太平軍沿長江一路下來攻占南京，建立太平天國王朝，清軍圍困太平天國；上海租界當(dāng)局無法判斷清政府搭太平天國啥人好取得最后勝利，就提出“武裝中立”、“勿選邊”，觀察事態(tài)個發(fā)展。1860年，太平天國派李秀成突圍東進(jìn)，李秀成突圍之后力克鎮(zhèn)江、常州、無錫、蘇州、昆山、松江、杭州、寧波等地，直逼上海。租界當(dāng)局勒迭個辰光放棄“武裝中立”，同意協(xié)助清政府鎮(zhèn)壓太平軍。

當(dāng)時，上海租界個西界勒勒泥城浜搭周涇，相當(dāng)于現(xiàn)在個西藏中路搭西藏南路，為方便軍隊行動，經(jīng)李鴻章批準(zhǔn)，同意租界當(dāng)局勒勒租界以外個地方修建馬路，“以利軍行”，舊上海拿租界當(dāng)局勒租界以外個地方建設(shè)個馬路稱之為“越界筑路”。

當(dāng)時，租界當(dāng)局“越界筑路”個有：靜安寺路（南京西路）、新閘路、極斯菲爾路（萬航渡路）、徐家匯路，徐家匯路有兩條，法租界個相當(dāng)于現(xiàn)在個徐家匯路搭肇嘉浜路，英租界個徐家匯路相當(dāng)于現(xiàn)在個華山路，還有麥根路等等。

麥根路是以英國人麥根個名字得名個。有關(guān)麥根個生平紀(jì)錄勿多，伊是個英國外交官，19世紀(jì)50年代到上海，太平軍東進(jìn)辰光，是英國駐上海副領(lǐng)事。負(fù)責(zé)租界個防衛(wèi)，后來有段辰光擔(dān)任英國駐上海代理領(lǐng)事。

最初個“麥根路”東起新閘路，沿東蘆浦朝北，到蘇州河邊頭轉(zhuǎn)彎朝西，再沿牢仔蘇州河到伊個“叉袋角”個地方，再轉(zhuǎn)彎朝西到現(xiàn)在個江寧路附近。迭眼“越界筑路”儕是臨時性個軍路搭仔便道，造價邪氣低，質(zhì)量老差個，戰(zhàn)爭結(jié)束之后，交關(guān)所謂個馬路實(shí)際浪儕荒廢脫了，當(dāng)然，伊還是撥當(dāng)?shù)厝藗€出行帶來了方便。

麥根路邪氣長，彎彎曲曲繞了好幾只彎，20世紀(jì)30年代，經(jīng)過幾趟調(diào)整搭仔改名，原來個麥根路相當(dāng)于現(xiàn)在個石門二路、康定東路、泰興路個北段、西蘇州路搭仔淮安路。

恒豐路橋老底子叫作“麥根路橋”，俗稱“舢板廠橋”。舢板以前指黃浦江浪個一種小個工作、交通船，上海人也拿外國人個賽艇叫作“舢板”，所謂“舢板廠”，就是停舢板個船屋，邪氣明顯，舢板廠橋就是勒勒附近個船屋而得名個。

國外有一個“亞洲賽艇”個網(wǎng)站勒2020年1月23日登了篇由蒂姆柯克寫的，黃躍斌翻譯個文章《追憶上海賽艇俱樂部》，文章迭能翻譯：西方個賽艇活動是隨牢仔上海開埠進(jìn)入上海個，第一次賽艇賽可以追溯到1849年，但是，見于報道個賽艇賽則是1852年10月29日勒勒黃浦江進(jìn)行個比賽。

大約摸勒1859年，賽艇愛好者成立俱樂部，1963年重修改組，就是后首來個“劃船俱樂部”。賽艇是比賽用個船，訓(xùn)練搭仔比賽個辰光下水，平常日腳就擺勒“船屋”里。作者講：

哈里斯嘸沒記錄上海劃船俱樂部建造第一棟船屋個辰光，盡管伊確實(shí)講過“就勒現(xiàn)在個船屋旁邊”，就是勒蘇州河南岸，靠近黃浦江個地方。就是后來撥稱之為“下船屋”（多數(shù)是勒非周末個辰光使用），1875年，勒河浜上游個位置建造“上船屋”（多數(shù)勒周末個辰光使用）。1902年，河道擁堵加劇，使得'上船屋’移到更加上游，并于1906年撥出售。

搿段文字描述含糊勿清，無法確定“船屋”個位置，還好作者提供了幾張歷史照片，作者講：

搿張大約勒1875年到1880年拍個照片出自布里斯托大學(xué)在線版?zhèn)€中國歷史照片集，勒勒“創(chuàng)作共享許可”下轉(zhuǎn)載。標(biāo)題是：“搿座建筑是蘇州河旁馬克咸路個上船屋。伊建于1875-76年，草坪浪可以打槌球、網(wǎng)球、擲環(huán)圈”。

上海嘸沒“馬克咸路”，不過，伊個發(fā)聲倒搭“麥根路”邪氣接近，現(xiàn)在個恒豐路橋以前就叫“麥根路橋”，顯然，搿個“蘇州河旁馬克咸路個上船屋”就勒麥根路橋個附近。

1899年之前，上海公共租界個西界勒勒西藏路以東，現(xiàn)在好尋到1900年之前西藏路以西個地圖邪氣少，我尋到了張1880年代《上海英租界、法租界、美租界道路地圖》，竟然就勒麥根路蘇州河邊頭，也就是勒現(xiàn)在個康定東路靜安區(qū)兒童圖書館個位置尋到了船屋，毫無疑問，現(xiàn)在個靜安區(qū)兒童圖書館，就是以前劃船總會個建筑。

20世紀(jì)初，工部局同意拿勒勒外白渡橋搭乍浦路橋之間，蘇州河南岸個“備用地”提供撥了劃船俱樂部，作為會所搭仔船屋，1906年，劃船總會就拿麥根路船屋作價賣給了工部局。

勒一張1864-1866年個上海英租界地圖浪可以看到，上海開埠以后嘸沒多少辰光，工部局就勒沿外白渡橋搭四川路橋之間個蘇州河南岸濱江筑了條“蘇州路”，就是現(xiàn)在個南蘇州路。搿段蘇州河容易淤積，嘸沒多少辰光，就形成了面積勿小個漲灘，后來，西側(cè)乍浦路橋到四川路橋個漲灘撥填平以后，造了只“華人公園”，就是現(xiàn)在個河濱公園，根據(jù)英租界相關(guān)個規(guī)定，勿好勒黃浦江、蘇州河濱江造房子，搿能，東側(cè)外白渡橋到乍浦路橋個灘地填平以后，只好作為“備用地”。

1899年，公共租界擴(kuò)張成功，伊個東界伸到了楊樹浦底，西界伸到了靜安寺，總面積擴(kuò)大了老多倍，租界有得交關(guān)馬路需要建設(shè)，大量個建筑材料要通過蘇州河運(yùn)到上海，必須勒蘇州河造建筑材料碼頭搭仔堆棧，葛么，工部局搭劃船總會協(xié)商，同意劃出外白渡橋搭乍浦路橋轉(zhuǎn)角個一塊“備用地”，提供撥了劃船總會建造“船屋”，也就是所謂個“下船屋”，劃船總會則讓出麥根路個“上船屋”，作為工部局個建筑材料碼頭搭仔堆棧。1906年，工部局支付了最后一筆2000兩銀子個補(bǔ)償款，劃船總會就全部遷出了麥根路個“上船屋”，搿搭就成了工部局工務(wù)處麥根路堆棧。

迭搭靠近蘇州河，地方相對偏遠(yuǎn)，交通困難，作為工部局工務(wù)處個辦公地勿大適合，原來劃船總會留下來個洋房收益率比較低。1924年初，常熟人馮鎮(zhèn)歐勒勒新閘路創(chuàng)辦大中華影片公司，迭個公司只出品過《人心》搭仔《戰(zhàn)功》兩部影片，賣座率勿高，1925年伊搭百合影片公司合并，改組為大中華百合影片公司，租用個就是麥根路工部局工務(wù)處個老洋房，并勒勒此地開業(yè)。大中華百合影片公司經(jīng)營仍舊慘淡，1929年停業(yè)整頓，1930年并入聯(lián)華影業(yè)公司。搿搭又成了“上海人力車夫互助會”個會所。

上海個人力車也叫黃包車，是1873年從日本引進(jìn)個，到1930年代，上海有黃包車幾萬部，從業(yè)人員大約摸有5萬人，是重要個公共交通搭仔代步工具。黃包車夫處于社會底層，收入微薄，生活艱辛，同樣，黃包車個正常運(yùn)行，黃包車夫個生活安定也搭社會秩序安穩(wěn)息息相關(guān)。

1913年，曾經(jīng)擔(dān)任公共租界巡捕房總巡個蘇格蘭人瑪達(dá)生退休之后，創(chuàng)建了“上海人力車夫福音會”，開始辰光，勒勒開封路租借民宅辦業(yè)余學(xué)堂，教車夫讀書識字，還請神父來布道講經(jīng)，伊還利用自家個關(guān)系，邀請工部局董事、洋行經(jīng)理、社會名流，搭仔中國紳士組成了董事會。

不過，“福音會”帶有宗教氣息，瑪達(dá)生并勿是傳教士，后來改組為“上海人力車夫互助會”，有了社會名流個支持，工作進(jìn)展邪氣順利，也籌集到勿少個資金，其中，上海巨商，德和洋行老板捐老大一筆鈔票資助、支持“互助會”，“互助會”有足夠個資金補(bǔ)助有困難個車夫；同時，“互助會”還參與對車夫個法律援助，調(diào)解車夫之間個矛盾，調(diào)解車夫搭交通管理機(jī)構(gòu)個矛盾，對租界當(dāng)局來講，有利于維護(hù)社會秩序，所以呢，“互助會”也得到租界當(dāng)局個支持。對車夫來講，“互助會”是伊拉個依靠搭后盾，大部分車夫儕加入了“互助會”。

“互助會”設(shè)勒虹口嘉興路小菜場樓浪，全市劃地段設(shè)立分會，大中華百合影片公司退出麥根路老洋房之后，迭搭就是“互助會”個西區(qū)分會了，后首來成為了總會會所。再后來，“互助會”兩側(cè)成為了煤炭堆棧，劉鴻生個“義泰興煤?！遍_勒“互助會”西側(cè)，1949年之后，義泰興煤棧改為“上海第二煤球廠”。

煤棧、煤球廠灰塵邪氣大，每日天有大量裝運(yùn)煤炭、煤球個車輛進(jìn)進(jìn)出出，環(huán)境變得惡劣，老洋房也撥弄得“灰頭土面”，破敗不堪。

改革開放以后，煤球廠變更為義泰興實(shí)業(yè)發(fā)展有限公司，老洋房通過土地置換歸撥靜安區(qū)政府，20世紀(jì)初，區(qū)政府對老洋房進(jìn)行大修，當(dāng)時辰光，還嘸沒對“歷史建筑”修繕、改造個規(guī)定，不過，政府還是參照了老洋房個基本樣式大修，使得老洋房“風(fēng)韻猶存”，重新體現(xiàn)出昔日個光彩，現(xiàn)在是靜安區(qū)少年兒童圖書館。